ياهيه ياللي تعرف الحـال ياهيـه

ياهيه ياللي تعرف الحـال ياهيـه
اعنيك أنـا وقدامهـم قـل ياهـن
مابي يبيح السد وادفنـه واكميـه
عن هرجة العريان والشك والظـن
الناس ماتدري عن القلب وشفيـه
من لاوطت رجله على النار مـاون
بذتني العالـم عتـاب ومشاريـه
وش فيه حالك شاين اليوم من؟من؟
هذي ثلاث سنين والحزن أداريـه
أطوي عنا الأيام حـزن ويطـون
يلبسني الحرمان واغزله واطويـه
وأقيـده حلمـي ولا رق او حـن
وادفن شبابي مع عزومي واواريه
تحت الثرى واسقيه دمعي ولا من
واوقف على قبره ثواني واراعيـه
شقوى عيونٍ من سبايبـه يبكـن
واحن لأيامه مع عهـود ماضيـه
بسمة حياتي ضحكة القلب والسـن
لكنهـا الدنيـا مداهـن وتسفيـه
دستورها التلفيق والشـك والظـن

ثريا الشرق